Pajau Media
5th March 2025
Mandalay- Myitkyina mawdaw lam hpe rawtmalan hpung ni kawn nhtoi nmasat ai sha pat da ai majaw kaga koi lam hku hkawm nga ai re nna hkrun lam mayak hte hkrun lam na ai majaw yakhkak nga ai lam Mawdaw Gau sha ai ni tsun ai.
Mandalay- Myitkyina lam hpe Hkanbalu ginra hta lahkawng maga majan laza lana byin ai majaw lai wa sai February shata 19 ya shani kaw na rawt malan hpung ni pat da ai re.
Lam pat da ai aten hta gaw Sanpye Nanta mare koi lam hku na nam lam hte yak hkak hkak hkawm sa ra ai sha nnga lam atsawm nhpaw shi ai majaw yak nga ai re lam chyelu ai.
Hkrunlam na ai majaw Nga, Shan, hte namlaw damlap hte gunrai katsing nkau mi htyen mat ai sha n ga, koi lam yak ai majaw hkrun lam gaw 5 ya kaw na bat ni daram na ga ai lam mawdaw gau sha ai masha ni tsun nga ai.
Maga mi de mung Mandalay- Myitkyina lam hta myenhpyen hte KIA/KPDF hpyen ni hpyenla nnan lahkawn ai hte, ahkyun hkangse hta ai shagyit ni grau law wa ai hte, majan jahkring jahka byin ai lam mung chye lu ai.
Shiga - Htuseng
Commenti