Pajau Media
2 January 2025
Myitkyina muklum, Lamung Zup mare hta Myen Hpyen dap ni hpyen masha shamu shamawt galaw ai hte, shagyit galaw nna gumhpaw hta sha ai lam ginra masha ni tsun nga ai.
Ya, Lamung Zup mare kata nga ai Myen hpyen ni gaw lambaw hkan shagyit galaw let laiwa laisha masha ni hpe shan zep ai hte mawdaw gau ai ni hpe gumhpaw hta sha ai lam ginra masha langai tsun ai kaw na chye lu ai.
" Lai wa shai December shata ka-ang rai na, cycle hte chainsaw htaw nna Myitkyina kaw na shawa ai hpe shagyit hta gumhpaw sen manga hpyi ai, njaw yang nsha lai ai da, shi mung gumhpaw nlu jaw ai majaw bai wa mat ai." Nga nna malai langai tsun ai.
Myen Hpyen ni gaw lai wa sai October shata kaw na hpyen n-gun 10 ram hte mare kata hpyen masha shamu ai lam galaw ai majaw ginra masha ni hkawmsha hkawmwa a matu myit tsang nga ai hpe chye lu ai.
Comments