Pajau Media
18/3/2025
NUG shingggyim ahkaw ahkang hkringmang rung a matsing ningting hku rai yang 2023 ning kaw na 2025 March 26 ya du hkra Gumshem myen hpyen dap a N bungli hku dingsa gasat manghkang (2190) lang galaw ai hta asak kaji ai Ma marai (372) du hkra asak si sum ai lam March 17 ya shani n dau da ai re.
Myen hpyen dap gaw mung masha yawng hte seng ai Gat, Hpaji Jawng, Hpunggyi jawng, Nawku jawng ni hte Tsi Rung Tsi Gawk ni hpe masing nga nga hte dingsa gasat ai hpe n ra sharawng ninghkap ai lam NUG kawn tsun da ai re.
Ya na zawn Myen hpyen dap a dingsa gasat ai lam gaw International Humnitarian Law hpe dan dan leng leng tawt lai ai lam re nga nna mung tsun madi madun da ai re.
Mungkan kawn masat da ai hpyen tara hpe tawt lai ai sha n-ga mungkan shinggyim nau na shada makawp maga lam ni hpe mung tawt lai ai re lam, mungkan Ma ahkaw ahkang hpe du hkra tawt lai ai majaw Mungkan Ru hka tara rung kawn mung lit la je yang na matu mung tsun shadut da ai re.
Lai wa sai March 14 ya shana daw hta mung Myen hpyen dap kawn Mandalay ginra Zin Ku, Let Pan La mare Gat kaw N bungli bawm wa jahkrat bun ai majaw asak shata (4) re ai Ma hte Ma kaji marai 6 sha n-ga Mung masha marai 21 asak si sum mat sai lam chye lu ai.
March 16 ya hta mung Sam Mung dingdung daw Nawng Cho Myo, Hpung Gyi jawng langai kaw N bungli bawm wa jahkrat ai majaw Hpung Gyi marai (2), asak 18 ning n pu Ko Yin (5), Mung masha marai (3) asak si sum nna mung masha law law hkala hkrum ai lam tang madun da ai re.
Shiga- zaw
Comments