Kunrai Manu Rawt ai, Bungli Taw Wa Ai Hte Garum Ningtau Ni Yawm Wa Ai Majaw Hpyen Yen Masha Ni Yakhkak Nga

Pajau Media

21th February 2025

Waimaw, Maina hpyen yen hte Nawng Hkying hpyen yen hta garum ningtau ni yawm wa ai majaw tsi mawan hte malu masha grau yakhkak wa ai lam hpyen yên Masha ni tsun ai.

“Shawng n-nan de gaw garum ningtau hpung ni garum ai galoi mung lu taw nga ai, ya hpang de gaw garum ai ni yawm wa nga. Shani shagu sha ra ai majaw lu ai bungli galaw let nchyang chyang sha ra ai ga rai nga.” n¹ga hpyen yên masha langai tsun ai.

Hpyen yen Masha ni gaw lu ai bungli hte nchyang chyang sha nna kan bau sha nga ai rai tim gunrai manu rawt ai a majaw kan bau na nlaw ai hte grau grau yak nga ai lam tsun ai.

“ Nchyang bungli ma shani shagu n-nga ai. N-nga ai shani she law ai. Bai gunrai manu gaw rawt ai hte lu ai nchyang gumhpraw hte nlaw ai. Dai majaw nchyang nnga ai shani hkan gaw lu ai bungli khan galaw ra ai.” nga Shawng na hpyen yen masha sha matut tsun ai re.

Hpyen yen ni tsun ai gaw nchyang bungli manu lani mi lap 12000ks ram sha lu ai sha n ga, gunrai manu rawt ai hte bungli shani shagu n-nga ai majaw grau yak hkak nga ai lam tsun ai.

Ya ten tsi mawan hte malu masha yak nga ai sha n-ga, ma gun ai ma Kanu ni, ma kaji ni, matsi galu matsi ai ni hte asak kaba sai dinggai dingla ni na matu malu masha hte tsi mawan ni ra a hkyak nga ai re.

Shanga - Hpring