Pajau Media Channel
8th July, 2024
KIO uphkang ginra kata 2023-2024 hpaji ladaw tsang shi bai htai ai jawng ma ni a Awng sum jahpan hpe July praw 8 ya shani jahpawt hkying 6:00 AM aten hta n dau ai lam chye lu ai.
Lai wa sai June shata 5 ya kaw nna 12 ya laman san poi san ai lam galaw ai re hte Jawng ma yawng marai 1,000 mi jan shang htai ai kaw na marai 782 awng dang ai lam chye lu ai. 2023-2024 hpaji ladaw KIO uphakng ginra kata tsang shi san poi shang htai ai Jawng ma yawng marai 3,126 nga ai kaw na marai 1,893 awng dang ai re.
Shawng numdaw hta hkrat mat ai jawng ma ni hpe tinang nlu htai ai ginhpan hpe bai htai na ahkang jaw da ai re, Ginjaw Hpaji Dap kawn n dai masing galaw wa ai gaw du wa na shaning kaw nna Tsang 11,12 hpaw sharin sa wa na re majaw sharin ladat galai mat na re majaw san poi hkrat ai jawng ma ni hpe bai htai na ahkang jaw ai re hpe mung chye lu ai.
Comments