Pajau Media
4rd February,2025.
Jinghpaw mung, Manmaw ginra hta KIA shagrawt majan shata lahkawng na ai hpang, February praw 2 ya shana daw maga de Myen dap a amyawk dap langai hpe lu zing la ai rai nna, Myitkyina lahta Tang Hpare mare makau hta mung laknak kaba nsen ngoi ai lam, na chye lu ai.
KIA pawnghpawm hpyen dap ni gaw Gumshem Myen hpyen dap Tsa.K.Hk (21)dap, Masat (366)amyawk dap, Hk.L.Y (236)dap hte Kan Daw laika hpaji jawng hta dap jung nga ai Myen dap ni hpe shagrawt majan gasat ai hta February praw 2 ya shani hta Masat (366)amyawk dap hpe zing madu kau lu ai re.
Dai sha n-ga, amyawk dap hte kaga lak nak kaba law law hpe mung zing madu la lu ai lam chye lu ai. Bai nna, Myitkyina lahta Tang Hpare mare makau hta mung February praw 2 ya shana daw maga de lak nak kaba ngoi ai nsen na lu ai lam, hkrun lam hkawm masha langai tsun dan ai kawn chye lu ai.
“Lak nak kaba nsen grai na lu ai majaw Myitkyina de yu wa na pi n gwi taw ai,” nga nna tsun dan ai. Kaga hkrun lam hkawm masha langai mung, “Myen dap ni gaw nam de hkawm shang wa ai majaw KIA kawn gap dap ai re nga na lu ai. Majan grai sawng ai gaw nre,” nga nna tsun ai.
Ginra masha ni tsun dan ai hta, Gumshem Myen hpyen dap gaw lai wa sai January shata nhtoi 29 ya shani kawn Tang Hpare mare maga de hpyen n-gun 100 grup yin hte htu shadut lung wa ai hpang mani gaw lak nak kaba nsen na lu ai re lam matut chye lu ai.
Shiga – zau
Σχόλια