Pajau Media Channel
1st June,2024
Jinghpaw Mung kata mung masha law malawng jai lang nga ai phone line ni nlu mat ai lam jahkring hkring byin nga ai re hte May 30 jahpawt daw kaw nna Atom phone line mat re hte May 31 Ya shana daw hta phone line bai lung wa ai re.
Shawoi gaw Atom phone line mat ai raitim hkying hkum hku na yang bai mai ai lam nga ai re, n dai lang na Atom Phone line gaw lahkawng ya hkawt nlu mat ai rai nna dai zawn sha Putao ginra hta mung kaga phone line ni n lu mat ai aten hkan Atom hte Ooredoo gaw phone mai shaga ai madang nga ai re, ya gaw tsep kawp matut mahkai n lu sai nga nna myitkyina ginra masha tsun ai.
“ Putao ginra de gunrai htaw shalai ai hkring mat ai hpang kaw nna jak sau ni taw mat ai, dai hpang phone tower hkan jak sau ni n lu bang mat ai majaw MPT phone line n lu ai gaw shata mi daram rai wa sai , MPT n lu ai hpang Atom hte Ooredoo loi li mai lang ai majaw dai mari lang shangun ai, ya gaw dai SIM card ni mung phone set yang shang ai raitim n sen tsep kawp n na ai, message laika sa ai pyi shang na matu yak hkak ai madang rai sai, matut mahkai tsep kawp n lu sai ”
Myen hpyen dap uphkang wa ai hpang kaw nna mungdan kata jai lang nga ai phone matut SIM card ni nlu mat ai lam jahkring hkring byin nga ai re, grau nna majan laja nga ai ginra ni de phone line shata kaba pat kau ya ai zawn re ai lam myen mungdan kata hta byin nga ai re sha n-ga masha law law jai lang ai VPN ni mung May 30 ya kaw nna n mai lang mat ai re hpe mung chye lu ai.
Photo Credit
Comments