Jarit Mayan Hta Miwa Maga Kawn Wi-Fi Line Ni Dawm Da Ai Lam

Pajau Media

3/17/2025

Jinghpaw Mung Miwa Jarit mayan Mai Ja Yang, Laiza, loi Je hte Manwin Gyi ginra hta Miwa maga kawn jaw ai Wi-fi line ni dawm da ai majaw jawng ma ni hte rung bungli galaw masha ni, online hku galaw lu galaw sha ai mung masha ni yak hkak nga ma ai re hpe mung chye lu ai.

“ n dai de wi-fi Line nlu ai na sai, VPN mung n mai lang, Miwa card hte line lang ra ai, raitim VPN n mai hpaw ai majaw Facebook Mesenger ni n mai lang ai, miwa software rai nga ai Wechat ni sha mai lang ai” nga nna ginra masha ni tsun ai.

Miwa maga kawn Wi-fi dawm da ai gaw lai wa sai March praw kaw nna rai sai hte Miwa sim card hte wechat daram sha mai lang ai re lam chye lu ai. Jarit mayan nga mung masha ni gaw matut mahkai lam hpe Miwa sim card hte Miwa kawn jaw ai Wi-fi hpe madung jai lang ai re.

Ya aten Miwa simcard langai hpe Miwa Yun 100, Myen gumhpraw hku ra yang 60,000 daram ang nga ai re. Wi- Fi n lu mat ai majaw Hpaji sharin ai jawng ma ni hte ginra masha ni law malawg gaw Wi-Fi hpe madung jai lang nga ai re.

Raitim Ya na zawn Wi-fi line dawm kau ai majaw grai yak hkak nga ma ai lam mung chye lu ai.N dai masa hta mung masha ni gaw phone line simcard ni mung dawm kau na hpe grai myit tsang nga ma ai lam chye lu ai.

Shiga – Yawg Ni