Pajau Media
21.12.2024
Indawgyi ginra hta Sam Hkyeng hpyen hpung(SNA) ni kaw nna hpyen la galaw na matu ramma (500)nhpring ai majaw, Nawngmun Aung Myay shagyit kawn lai wa lai sa ramma ni hpe hpyen lahkawn rim la nga ai lam dai ginra na mung shawa ni tsun ai kaw na chye lu ai.
Lai wa sai December shata nhtoi16ya shani hta mung hkrun lam hkawm mawdaw langai hta jawn lawm wa ai asak 20ning daram re ai ramma la kasha langai hpe Nawngmun Aung Myay shagyit hta Sam Hkyen hpyen hpung ni, hpyen lahkawn rim la da ai lam nga ai hpe chye lu ai.
“Chaung-Wa ginra de jinghku nta sa ai shaloi, dinggai dingla ni mung lawm ai majaw, mawdaw gau y ana matu kashu hpe shaga ai re. Aung Myay shagyit du jang anhte hpyen la masha jahpan nhpring shi ai. Dai wa hpe rim la da mu nga tsun nna, rim woi la da ya ma ai” nga nna ta tut mu hkrup ai ni tsun dan ai.
Ginra masha ni tsun ai hta Sam Hkyeng hpyen hpung ni gaw December shata laman, hpyenla jahpan (500) hpring hkra lu ra na rai nna, masha jahpan nhpring shi ai majaw hpyen lahkawn rim woi ai re lam hte, ndai laman Nawngmun Aung Myay shagyit hte Mohnyin ginra na ramma ni hpe hpyen lahkawn ai lam, jahkring hkring galaw nga ai lam mung chye lu ai.
Nawngmun Aung Myay shagyit kaw nna Sam Hkyeng dawng hkawn ni hpe shajung tawn da ai sha n-ga, “ “ရှမ်းနီတို့ဌာနေ ရှမ်းနီသွေးနဲ့ကာကွယ်မယ်” ngu ai ndau laika hpe mung shakap da ai lam ginra masha ni tsun dan ai re.
Matut nna mung, Nawngmun hte Maing Naung mare ni hta shana hkying 7 kaw nna, jahpawt hkying 5 du hkra shinggan (tsep kawp) nmai le ai lam, wang nhpan ni hkan laika shakap da ai lam mung nga ai hpe Matut chye lu ai.
Shiga – Kachin Pyi Tar
Comments