Hpare mare hta ma kaji ni makawp maga tsi nlu htu ai laning mi ram du Wa Sai lam

Pajau media

3.1.2025

Jinghpaw mung, Chipwi muklum, Hpare mare hta ma kaji ni hpe shata shagu htu ya ai makawp maga tsi nlu htu ya ai majaw ma Kaji ni a hkamja lam matu myit tsang nga ai lam ginra masha ni tsun ai.

Makawp maga tsi nlu htu ai gaw tsi mawan ndu may Ai majaw re hte hkrun lam mayak a majaw makawp maga tsi garum gahtau ni mung hkring mat ai laning mi daram na wa sai Nga n-na ma Kanu langai tsun dan ai re.

Hkrun lam mayak nga ai hta n ga, hkrunlam hta Myen hpyen dap hte P.T.Ts pawng hpawm hpyen hpung ni laja lana san jap ai majaw garum gahtau hpung ni mung makawp maga tsi nlu garum,hkring mat ai re hpe chye lu ai.

Shawng de gaw Hpare mare hta Laning mi npu na ma ni hpe Nampan ,Mehkai zawn re makawp maga tsi ni hpe, shata shagu htu ya ai lam nga ai re.

Lai wa sai February 2024 hta garum ningtum hpung langai du nna makawp maga tsi htu ya ai gaw hpang jahtum rai nna, dai hpang tsi ndu ai majaw ma kaji ni ya aten du hkra makawp maga tsi nlu htu shi ai lam chye lu ai.