Pajau Media Channel
10th September, 2024
Jinghpaw Mung Hpakant ginra, Seng Tawng mare kata KIA pawng hpawm hpyen hpung ni hte Myen hpyen dap lapran hpyen masa grai shaja hkat nga dingyang rai nna lak nak kaba gap shadam ai majaw mung masha si hkala hkrum ai lam ni nga ai re hpe mung chye lu ai.
Septeber (9) ya shani du hkra Yu Ma mare kaw daju ai Myen hpyen dap N-gun 60 lawm ai hpung ni gaw Seng Tawng mare de hpyen n-gun htu shadut wa ai majaw KIA pawng hpawm hpung ni hte gasat gala majan byin ai rai nna September 10 ya shani du hkra Hpyen shamu shamawt ai lam ni dingyang galaw nga ai re hpe mung chye lu ai.
Seng Tawng mare Lucky Man Hotel kaw September (7) ya hta gasat gala majan byin ai gaw ya aten du hkra re, ya aten dai ginra kaw na mung masha ni gaw hpyen koi yen ra mat ai re, Hpakant Seng Tawng ginra kata hpyen shamu shamawt gasat gala majan byin ai gaw ya aten du hkra rai yang bat mi daram rai wa sai re, gasat gala majan hta lak nak kaba hkrup mara gap ai majaw Mung masha asak si sum ai lam, dum nta hten za ai lam ni nga ai re hpe mung chye lu ai.
Ya aten lai wa lai sa mung masha ni hpe san jep ai lam, Sinat gap jahkrit shama ai lam ni galaw nga ai rai nna September 10 ya jahpawt maga du hkra hpyen masa gaw grai shaja hkat nga ai re hpe mung chye lu ai.
Comments