Pajau Media
20.8.2024
Myitkyina Mulum kata Internet line pat kau ai hpang hkying hkum mi kaw gumhpraw lap mun lahkawng hte Internet mai lang ai “Nan Htike Ko” phone seng gaw August 19 ya shana daw kaw nna gan pat da ai re hpe mung chye ai.
Internet jai lang manu hpe Laptop hte rai jang hkying hkum mi hta lap 30,000, Phone hte rai jang lap 25,000 du hkra shatsaw kau sai re hpe mung chye lu ai. Seng madu ni tsun ai hta Phone seng gan pat da ai lam gaw du hkra ladaw a majaw Internet line n kaja ai majaw August 19 hte 20 ya laman gan pat da ai re lam tsun ai re. August 21 ya kaw nna gaw bai hpaw sa wa na re lam mung chye lu ai.
August 10 ya hpang kaw nna aten hte Internet mai lang ai majaw ginra masha ni gaw dai seng kaw gashun gashe rai sa lang ma ai re. Dai seng kaw gaw Internet lang ai sha n-ga gumhpraw shaw ai magam bungli mung dingyang galaw nga ai re majaw shani shagu masha 50 grup yin dingyang pru shang nga ai re hpe mung chye lu ai. Dai seng hpe ntsen nhten ai majaw balik ni kawn san jep ai lam ni galaw ai lam nga lai wa sai re hpe mung chye lu ai.
Internet lang, gumhpraw shaw bang ai lam ni hpe aten masat nna galaw ai hta jahpawt hkying 7 jan kaw nna shana daw hkying 5 daram du hkra mai ai re lam, Kpay, Wavepay kaw na gumhpraw shaw na nga yang sen mi kaw shaw manu hkying masum (3%) jaw ra ai re hpe mung chye lu ai.
Comments