Pajau Media
17.12.2024
KIA hte pawng hpawng dap ni Jinghpaw mung Hkawng Lang Hpu ginra hta majan shamu shamawt nna P.T.Ts dap langai zing lu sai lam chye lu ai.
Putao, Hkawng Lang Hpu ginra kaw na hpyen n-gun 100 daram nga ai La He Se P.T.Ts dap hpe KIA/KPDF pawng hpawng dap ni kawn December 15 ya shana maga lu zing la ai hta P.T.Ts hpyen la malawng hprawng yen ai rai tim hkala ai ni hte nlu hprawng yen ai masha ni hpe lu rim la ai lam chye lu ai.
Maga mi hta December 4 ya shani kaw na hpang ai KIA hte pawng hpawng dap ni a Manmaw hte Manje zing majan bat lahkawng ram rai wa tim matut bin taw nga nna KIA hte pawng hpawng dap ni hku na dap malawng maga lu zing ai lam chye lu ai.
Comentarios