Pajau Media Channel
8th May, 2024
Hkam bawm a majaw mung masha hkala hkrum ai lam gaw Jinghpaw mung kata lani hte lani law jat nga ai re hte Danai ginra kaw May (2) ya shani nam de tsi pawt tsi ru hkan tam hkawm nga ai mung masha langai hkam bawm gabye kapaw la nna lagaw daw mat ai hte ya aten tsi tsi hkam la na matu ja gumhpraw grai ra kadawn nga ai lam chye lu ai.
“Ko Kar Pung ngu ai re shi gaw, Naga amyu sha uhpung uhpung kaw shang lawm ai wa re. Shanhte hpung ni gaw nam de tsi pawt tsi ru tam hkawm na matu hkawm ai aten hkam bawm gabye kapaw la ai re, hkra lagaw daw kau ra ai. Ma manga a kawa re. Nta dinghku mung yak hkak nga ai hta ya na zawn bai byin ai majaw tsi tsi hkam la na ja gumhpraw grai yak hkak ai re,” nga nna ni nawn ai jinghku ni tsun ai.
Naga amyu sha hpung ni gaw Danai hka hkra maga Nam Sai bum mayan de lai wa sai bat daram hta tsi pawt tsi ru hkan tam na matu hkawm ai aten hkam bawm gabye hkrun ai re hte ya aten machyi masha wa gaw Danai tsi rung kaw tsi tsi hkam la nga ai kaw na Myitkyina tsi rung de may ( ya shani shalai dat ai lam ni nawn ai jinghku jingyu ni tsun ai kawn na chye lu ai.
Shiga - Kachyin Pyi Tar
Comments