Pajau Media
3,February,2025
Daru magam zing ai mali ning hpring ai February 1 ya shani hkring lahkawng daram hta KIA Pawnghpawng hpung hte Myen hpyen ni Indaw, Mai Nawng ginra hta majan byin ai majaw ginra masha ni hpawng yen ra ai lam chye lu ai.
February 1 ya shani Myen hpyen n-gun 400 ram nga ai HK.M.Y (385)hte(386) gaw Hopin kaw na Indaw Gyi de htu sadut lung wa ai hta KIA hte majan byin ai re lam ginra masha ni tsun ai.
Jahpawt hkring 10 daram kawn Myen hpyen dap gaw n-gun (200) jan hte hpyen mawdaw 3 hte lawm let Nant Mun, Kachin Su Sam Hkyeng P.T.Ts shagyit kaw Indaw de man yawng nna nga nga ai re. Nant Mun Bum kaw na lagaw lam yu wa ai gaw Byuha Mu hte n-gun 200 ram nga ai. Mai Nawng maga de shara jat na nga na ai bat mi ram rai sai. Daru magam zing ai mali ning na sai majaw mung masha ni sadi nga na matu rawt maran hpung ni sadi jaw ai," nga nna ginra Masha langai gaw February langai ya shani tsun ai.
Dai majan a majaw Mai Nawng ginra masha ni gaw nbungli hpyen hkrit nna kaga shara de hprawng yen nga nna Nant Mun-Indaw Gyi lam ma pat da ai lam tsun ai.
Comments