Pajau Media
12 March 2025
Jinghpaw mungdaw Hugawng ginra Danai muklum hta P.T.Ts hpung ni kawn hpyen lahkawn ai lam jahkring hkring galaw nga ai majaw ginra masha ni hte asak ram ai ramma ni na matu hkawmsa hlawmwa grai yak wa ai nga nna ginra masha ni tsun ai kawn chye lu ai.
P.T.Ts hpyen hpung ni gaw ndai laman lammaw ntsa hte lambraw ni hkan shara la taw nga nna hkawmsa hkawmwa mung masha ni hte shana maga lai hkawm hkrup ai ramma ni hpe hkap rim lahkawn la taw nga ai sha n ga nta kata du hkra sa rim lahkawn ai lam ni galaw nga ai hpe tsun ai.
Dai sha n-ga shanhte ntsen ai masha ni hpe mung san jep na matu nga nna rim shaga mat wa ai lam ni galaw nga ai majaw ginra masha ni myit tsang nga ma ai re.
Maga mi hta mung Myitkyina muklum makau hkan nga ai dum nta ni hta Myen hpyen hpung ni kawn manam jahpan jep ai lam ni galaw nga ai hpe chye lu ai.
Shiga – Htu Seng
Comments