Pajau Media Channel
11st July, 2024
July 11 ya jahpawt daw hkying (3:00) Am aten daram hta Chihpwi ginra KBC hpyen koi yen dabang kata Mung masha htinggaw 9 shanu nga ai Barrack langai wan hkru manghkang byin ai lam ginra masha ni tsun ai.
Wan Hkru n pawt gaw Myi hprap wan wire shock byin ai kaw na hkru hpang wa ai re lam, yawng yup pyaw nga ai aten re majaw arung arai hpa n lu la ai, yawng hkru lawm mat ai re, raitim masha hkala hkrum ai lam gaw n nga ai re hpe mung chye lu ai.
Ya aten wan hkru hkrum nna yak hkak nga ai Mung masha ni gaw dabang kata na man ai shara ni hta mai byin ai hku shanu nga ma ai re hte arung arai ni yawng hkru lawm mat ai re majaw ya aten garum ningtum ra kadawn nga ma ai re hpe mung chye lu ai.
Chipwi ginra kata May shata hte July praw hta Hka hpyen tsin yam laja lana hkrum sha lai wa ai sha n-ga Wan hpyen kalang bai hkrum katut ai majaw hpyen koi yen mung masha ni malu masha kaw na hkawt lam magup yak hkak nga ai re hpe mung chye lu ai.
Commentaires