Pajau Media
30.9.2024
KIA masat (7) dap Ba, Chihpwi ginra kata nga Myen hpyen dap shara nkau hpe KIA pawng hpawm hpung ni gasat zing madu la lu sai lam chye lu ai.
September 29 ya jahpawt hkying 5:00Am daram kaw nna masat (1) lak san uphkang ginra kata Chihpwi, Saw Law hkan shara jahkrat nga ai Myen hpyen dap shara ni hpe KIA pawng hpawm hpyen hpung ni htu shadut htim gasat ai hta Chihpwi Pyuha Kawng, Chihpwi Balik Dap, Saw Law Pyuha Kawng hte Deng Mali pawng hpawm shagyit ni hpe zing madu la lu sai lam chye lu ai.
Ya aten Chihpwi ginra kata na mung masha ni Waimaw ginra kata de hpyen yen wa ai raitim sadung shagyit kaw jahkring jep joi ai majaw ai majaw Mung masha ni grai yak hkak nga ma ai re lam chye lu ai.
Chihpwi ginra de KIA pawnghpawm hpung ni htu shadut htim gasat ai majaw Myen hpyen dap shara n kau zing madu la lu sai raitim naw ngam ai dap shara ni naw nga ai lam, ya aten lahkawng maga hpyen masa grai shaja hkat nga ai dingyang re hpe mung chye lu ai.
Comments