Asak N Hpring Shi Ai Amyu Shayi Hpe Lang Hte Lang Mazut Roi Rip Manghkang Shabyin Ai Ni Hpe Tara Je Yang Shangut Ai Lam

Pajau Media

9.4.2025

Jinghpaw Mung Mohnyin Muklum Uk Jin Lawk na myit n gring ai amyu shayi hpe lang hte lang mazut roi rip manghkang shabyin ai tara hkam masha marai (3) hpe April 8 ya shana daw hKying 3:00 PM aten daram hta Mohnyin ginwang tara rung kawn je yang daw dan ai lam chye lu ai.

Mazut roi rip manghkang shabyin ai U Moe La The, U Kyaw Moe Lwin, Bo Ye ni hpe htawng dam shaning 20 ning masat jahkrat nna Mazut roi rip manghkang shabyin ai hta shang lawm U Zaw Myit Htwin ni hpe bungli shaja hte htawng dam 10 ning masat jahkrat ai lam chye lu ai.

Mazut roi rip manghkang shabyin ai shata mi na ai hpang she amu hpaw ai re lam, Mohnyin tara rung kawn gaw shata kru laman amu manghkang shangut na lam tsun ai raitim April 8 ya shani she hpang jahtum tara rung lung je yang daw dan ai re lam chye lu ai.

Mazut roi rip hkrum ai dum nta masha ni hku nna gaw ya na zawn mazut roi rip manghkang shabyin ai tara hkam masha ni hpe ja ja je yang daw dan ai lam galaw yang she hpang de n dai zawn re ai mabyin n nga u ga ngu myit mada ai lam tsun da ai re.

Asak 16 ning re ai amyu shayi hpe Uk Jin lawk Wan leng daru gat seng dut ai shara kaw nga ai re hte lawk langai kaw sha arau shanu nga ai la marai 3 kawn muk hte gumhpraw jaw nna lang hte lang mazut roi rip ai lam galaw ai re hpe chye lu ai. Dai mabyin hpe nta masha ni gaw 2024 June 25 ya hta Mohnyin Muklum balik rung kaw amu hpaw ai re lam chye lu ai.

Shiga – Kachin Pyi Tar