77 Lang Na Jinghpaw Mung Daw Masat Nhtoi Tau Ai Lamang hta Mungdan salang daw ni sa du shang lawm ai lam

Pajau Media

9 Jan 2025

Jinghpaw Mung myitkyina Muklum kaw galaw na Mungdaw masat n htoi lamang a matu January shata praw 8 ya kaw na Myen Hpyen dap ni Muklum kata shimlam grai shaja da ai hte 77 lang na Jinghpaw mungdaw Masat nhtoi hpe Tau ai Manau Ka ai lam hpe January 9 ya jahpawt daw hta galaw ai lam chye lu ai.

Lamang hpe Jinghpaw Mungdaw asuya rung kaw galaw ai hta (ဒုတိယ ဝန်ကြီးချုပ်တင်အောင်စန်း၊ နိုင်ငံတော်စီမံအုပ်ချုပ်ရေးကောင်စီအဖွဲ့ဝင် ‌ဒေါ်ဒွဲဘူ ni shang lawm ai lam chye lu ai. Masat n htoi lamang tau hkyen ai hku nna Myitkina muklum Lam Maw kaba hte lam braw ni hkan balik hte hpyen la ni shinglam grai shaja da ai lam ginra masha ni tsun ai kaw na chye lu ai.

“Shinglam la ai gaw mani kaw na rai sai Jinghpaw mungdaw nhtoi poi galaw na matu shadu ai , dai ni gaw မြို့တော်ခမ်းမ nga ai lam majoi n mai lai hkawm ai shinglam la da ai” nga nna tsun ai re.

Myen hpyen dap kawn woi awn galaw na Jinghpaw Mungdaw masat n htoi lamang hta Jinghpaw amyu sha ni Padang dip ai ten ka ai Padang manau nau ai lam hpe mung Masat n htoi shani nau na re lam mung chye lu ai.

lamang hta Ginra P.T.Ts ningbaw ni, Jinghpaw Htunghking hte Laili laika hpung na lit nga salang ni, M.P.Hk kaw na ningbaw ni, Munghpawm hkringmang daju, Jinghpaw mungdaw hkringmang daju hte asuya hpung shang salang ni shang lawm ai re lam chye lu ai.

Shiga-Doi