Pajau Media
8.1.2025
Jinghpaw Mung kata 2024 hpang daw kaw nna KIA pawng hpawm hpyen hpung ni a htu shadut htim gasat majan a majaw gasat gala majan grau grau laja sawng nga ai hte myo mare n kau sha n-ga Jinghpaw mung kata shaning na na dap jung nga ai Myen hpyen dap shara law law hpe padang dip zing madu la lu ai lam nga sai re.
KIA dap ba shara shagu ngu na daram hta gasat gala majan byin ai hta 2024 shaning laman Masat (1) Dap Ba ginra kata kaw Njang Yang, Sumpra Bum Muklum ni lawm yang Myen hpyen dap dap Jung ai shara (9) daram hpe zing madu la lu sai re lam chye lu ai.
KIA Masat (2) Dap Ba kata kaw dap jung ai Myen hpyen dap shara (5), Masat (3) Dap Ba kata kaw na Myen hpyen dap shara (36), Mung Myit Sinli dingda ginwang ginjaw uphkang kata kaw shara (, Masat (5) Dap Ba ginra kata dap jung ai shara (14), Masat (7) Dap Ba ginra kata Chyihpwi, Saw Law, Pang Wa, Lagwi Bum, Hpi Maw, Gaw Lang, Kangfang ni rai yang shara (7) ni hpe mung zing madu la lu sai re.
Dai sha n-ga KIA Masat ( Dap Ba kata na Sinbo muklum hpe mung zing madu la lu sai zawn Sagaing jarit mayan, Wanleng lam mayan Myen hpyen dap shara law law hpe mung zing madu la lu ai lam chye lu ai.
Matut manoi Masat (9) Dap Ba ginra kata dap jung ai Myen hpyen dap shara (11) hpe zing madu la lu sai lam, Jinghpaw Mung kata 2024 ning tup KIA Dap Ba shagu ngu na daram gasat gala majan laja ai hta Myen hpyen dap shaning na na dap jung ai dap shara kaba ni, Muklum ni yawng rai yang (90) daram hpe padang dip zing madu la lu sai lam chye lu ai.
Gasat gala majan hta KIA, KPDF, AA, Gaw Rahka Dap ni mung shang lawm gasat ai re hpe chye lu ai. 2024 ning laman myen hpyen dap gaw jinghpaw Mung kata Nbungli hku, lak nak kaba ni gap sharu bun ai majaw Mung masha marai (142) asak si sum nna marai (167) hkala ai lam, marai (219) gaw rim hkrum ai lam ni nga lai wa sai lam Kachin Human Rights Watch (KHRW) kawn tang madun da ai re.
Kommentare