Pajau Media
1.17.2025
Myen mungdan ting madang hku rai yang lai wa sai 2024 ning December shata laman Rawt Malan Hpung ni hte Myen hpyen dap lapran gasat gala majan (59) lang byin nna Jinghpaw Mung KIA pawng hpawm hpung ni hte gaw (10) lang ram byin ai Lam BNI Myanmar Peace Monitor kawn tang madun da ai re.
Gasat gala byin ai ginra ni gaw Magwe ginra, Sagaing, Pago, Tanintharyi, Kayin, Jinghpaw mung hte Mandalay ginra ni rai nna Mung masha marai 32,060 daram gaw hpyen koi yen ra ai re hte Jinghpaw Mung hta gaw hpyen koi yen ai mung masha hkying lam nga ai lam chye lu ai.
Gasat gala majan laman nbungli bawm Drone hte lak nak kaba ni a majaw December shata laman Jinghpaw mung kata Mung masha marai 41 si sum mat nna hkala hkrum ai Mung masha 153 du hkra nga sai lam, Myen mungdan madang hku rai yang sawng dik ginra re hpe mung chye lu ai.
KIA pawng hpawm hpung ni kawn jinghpaw mung kata Muklum kaba 14 hpe htim gasat zing madu la lu sai rai nna zing madu da sai Muklum ni gaw Sumpra Bum, Chihpwi, Sadung, Myo La, Kanpaiti, Saw Law, N Jang yang, Sin Bo, Nmawk, Hpimaw, Pang Wa, Daw Hpum Yang, Loi Je hte Man Je muklum ni re.
Ya aten KIA pawng hpawm hpung ni gaw Jinghpaw mung Manmaw ginra hpe matut manoi htim gasat nga ai rai nna Muklum kata na shara law law hpe zing madu da lu sai lam chye lu ai.
Jinghpaw mung Manmaw Muklum, Manje Muklum ni hpe 2024 December (4) ya laman htu shadut htim gasat ai hta January 8 ya sani gaw Manje Muklum hte dai ginra na dap shara ni hpe zing madu da lu sai re hpe mung chye lu ai.
Shiga – Hpring
Comments